ايمان محمد تكتب ( ماتمن عليا بحب ) جريدة الحرية بوست الصفحة الثقافية

ماتمن عليا بحب
ولا باخلاص ولا حتي يوم بالدم
مانا الزاد اللي بني قدك
وانا الدم اللي بعروقك
وارضيي هي من عرضك
اسمعني يابني انا زيك
لا ليا في مهر ولا في قصر
ماتحبنيش كده في عجلة
كانه ظهر وعصر في صلاة قصر
واحدة واحدة عشان اجيلك
وتفهم عدوك من حبيبك
انا ارضك انا وطنك
انا حضنك في عز البرد
اصبر علي اليوم الصعب
اصبر حتلاقيني في القلب
اوعي تفكر غيرتك عليا
بخناقة في قلب الظهر
لا ده كده مش حب
بلدك بيتك عرضك
شالك يحميك من شمس وبرد
اصبر سحابة وماشية
احسن من موجة تهد كل البر
واكيد كلنا  بنحب مصر 
كلمات : ايمان محمد